🖱️ ما هو Mousehook في محاكي Xenia؟ وكيف يشتغل؟

تخيل إنك تلعب Call of Duty على الإكس بوكس، لكن بأحساس الفأرة والكيبورد كأنك شغال على البي سي... هذا بالضبط هو شغل Mousehook داخل محاكي Xenia 🔥

🎯 وش يعني Mousehook؟

Mousehook هو نظام يتم حقنه داخل اللعبة وهو شغّالة، يربط حركة الماوس مع الكاميرا أو المؤشر داخل اللعبة. مو مجرد محاكاة لأزرار يد التحكم، بل هو تلاعب ذكي بالذاكرة عشان يخدع اللعبة وتفكر إن الماوس جهاز حقيقي.

يعني إذا كنت في Portal وتبي تصوب بدقة؟ أو في Halo وتبي تحرك الكاميرا بسلاسة؟ Mousehook = يخليك تلعبها وكأنك على ستيم 🤓

⚙️ كيف يشتغل فعليًا؟

• يقوم بربط محاور X و Y الخاصة بالكاميرا مع حركة الماوس في النظام.
• يشتغل مع ألعاب منظور أول وثالث، وغالبًا يعطي تجربة دقيقة أكثر من يد التحكم.
• مثلاً: لما تحرك الماوس يمين، هو فعليًا يغيّر قيمة الكاميرا داخل ذاكرة اللعبة.

🎮 مثال :

في لعبة Red Dead Redemption، تقدر تتحكم بالكاميرا بحرية باستخدام الماوس، لكن لما تدخل طور المبارزة (duel) مواجهة خصم واحد لمعرفة من الأسرع في السحب. ترجع اللعبة تستخدم الأنالوج، فيصير الماوس غير مفعل هناك. هنا يوضح لك إن Mousehook "يعتمد على اللعبة" ومو شامل كل المواقف.

🧠 وش الألعاب اللي تستفيد منه؟

• 🟢 Call of Duty Modern Warfare 2 : تصويب سريع كأنك على PC.
• 🟢 Portal و Portal 2 : دقة في تحريك البورتال والكاميرا.
• 🟡 Halo Reach و Halo 3 : يدعم الماوس بس مش دايم سلس.
• 🔴 Crackdown 2 : يشتغل بس وأنت ماشي، يطفى لو ركبت سيارة 😅

⚠️ ملاحظات وتحذيرات

• لو عندك ويندوز بلغة غير إنجليزية، بعض الألعاب ممكن ما تشتغل معها Mousehook بشكل صحيح.
• بعض الكاميرات أو الأدوات داخل اللعبة (زي الـ SpyCam في Perfect Dark) ما يدعمها.
• فيه ألعاب فيها Frame Limiter داخلي يسبب تقطيع، يفضل تعطلها وتحدد الفريمات من الخارج (مثل RivaTuner).
• ماوسهوك ما يعني أن كل شيء بيشتغل "مثالي"، التجربة تختلف حسب اللعبة والتحديث.

💡 نصيحة من حكميك:

لو ودك تجرب ألعاب FPS القديمة بإحساس الماوس مثل أيام ستيم، جرب Mousehook… بس خلك صبور، لأنه في بعض الألعاب ما يتفاعل إلا جزئيًا.

---

🧩 الموضوع الجاي: راح نسوي جدول كامل بأسماء الألعاب اللي تدعم Mousehook، وحالة كل وحدة (جيدة – متوسطة – ضعيفة)، وكل الملاحظات اللي تحتاجها.

📚 المصدر: Xenia Canary - Mousehook